Со здрав начин на живот и физичка активност, можете значително да влијаете на вашето здравје во постарите години. Дознајте кои 4 чекори треба да ги применувате, за да имате здрави коски и зглобови, добра мускулна маса подоцна во животот.
Младост – лудост
Во младоста правиме многу работи кои можат негативно да влијаат на нашето здравје во подоцнежните години. Да речеме, имаме нездрави навики, малку спиеме, брзо живееме, не внимаваме на менталното и физичкото здравје.
Никогаш не е доцна!
Факт е дека нашиот моторен систем нема неограничен рок на траење. Нашите ткива и зглобови слабеат или се оштетуваат со текот на годините. Сепак, никогаш не е доцна да се ублажат последиците од лошиот однос кон сопственото тело. Важно е да се започне. Преземете ги овие четири основни чекори за одржување на вашето здравје.
1. Здрави коски и зглобови
Основната формула за превенција од остеопороза е внесување на доволно количество протеини, калциум, фосфор (прекумерните количини можат да бидат штетни) и витамин Д. Покрај тоа, експертите од областа на медицината и исхраната препорачуваат витамин К (витаминот К2 му помага на витаминот Д3 во вградувањето на калциум во коските и витамин Е.
Што друго придонесува за здрави коски и зглобови во староста?
- Се препорачува внесување на храна богата со калиум и магнезиум, на пр. темно зелен зеленчук, бадеми, тиква, семки од сончоглед.
- За минерализација на коските или спречување на фрактури на коските се препорачуваат цинк и бакар кои ги има во пилешко месо, мисирка, остригите и печурките.
- Намалената коскена маса може да биде поврзана и со недостаток на мелатонин, „хормонот за спиење“ што го лачи епифизата. Мелатонинот можете да го најдете во рибата, јајцата, јаткастите плодови, особено бадемите и црешите.
- На коските негативно влијае алкохолот и пушењето.
- За да се спречи појавата на остеопороза кај жени под 60-годишна возраст, може да се користи хормонска суплементарна терапија (на пр. естроген, прогестерон).
2. Зачувување на мускулната маса
Недостатокот на физичка активност, процесот на стареење и недоволниот внес на храна, особено храна богата со протеини, доведуваат до мускулна атрофија. Атрофијата е дел од природниот процес на стареење кога станува збор за губење на мускулите и намалена мускулна сила.
Бројни студии кои што го испитуваат почетокот на мускулната атрофија кај постарите лица ја нагласуваат важноста на внесот на аминокиселини. Добри извори се пилешки батаци, говедско месо, риба (лосос, туна), млеко, тофу (соја), јајца, бадеми итн.
За да се одржи мускулната маса, за секој килограм телесна тежина дневно мора да се конзумира 1-1,2 g протеини (риба, млеко или млечни производи, посно месо) во комбинација со протеини од растително потекло (јаткасти плодови и мешунките).
3. Движење
Се препорачува умерено движење, најмалку 30 минути дневно и најмалку 5 пати неделно. Движењето, особено на чист воздух, има благотворно влијание не само на нашето тело, туку и на нашето ментално здравје. Покрај тоа, под влијание на сончевите зраци доаѓа до производство на витамин Д Во текот на летото треба да бидете изложени на сонце 10-15 минути, неколку пати неделно.
Препорачуваме комбинација на кревање тежина, аеробик, брзо возење велосипед и пешачење. Научно е докажано дека зелените површини, на пр. прошетка во парк или шума имаат смирувачки ефект.
4. Стабилност
Со намалена чувствителност на нервниот систем и аудитивна перцепција, како и поради слабеење на локомоторниот систем, со возраста доаѓа до поголема нестабилност во движењето.
Рецептот е едноставен: да се грижиме за нашето здравје денес и да се направиме себеси витални за годините што доаѓаат.
Подготвени на сѐ
Склучете доброволно здравствено осигурување и погрижете се за најважното.
Извор: Triglavzdravje.si
