Запознајте се со основите за реанимација.
Никогаш не знаете кога би можело да се случи животот на некој ваш близок или странец да зависи од вашата реакција во тој момент. Како да помогнете, кои се основните процедури за реанимација? Побаравме совет од кукла (робот) за обука за основните процедури за реанимација.
Прво, претставете се и кажете ни малку повеќе за себе?
“Ќе ми биде задоволство. Јас сум кукла за обука за кардиопулмонална реанимација (CPR). Доаѓам од големо и разновидно семејство на кукли (роботи) и сите имаме заедничка мисија: практикување на основните техники за реанимација како што тоа би го направиле на луѓе. Јас сум кукла „торзо“, што значи дека имам глава и гради, но немам екстремитети, бидејќи тоа не е важно за учење на реанимација.”
Јас претставувам личност со просечна големина, но да бидам целосно искрен, за еден инч понизок.
Изработен од вештачки материјали, главно пластика и гума, со цел да овозможат чувство слично на човечкото тело на допир.
“Имам многу добро изработена глава која што се навалува наназад и им овозможува на дишните патишта да се релаксираат. Моето торзо е многу детално, бидејќи може да се видат и почувствуваат главните анатомски карактеристики на еден возрасен човек, како што се ребрата, градната коска и папокот.”
“Јас сум кукла на која пошироката јавност може да ги научи основите на CPR. Но, моето семејство е многу големо, бидејќи вклучува и кукли со цело тело, кукли со детска големина и кукли “бебиња” на кои експертите (медицински работници, спасувачи…) го тестираат и подобруваат своето знаење за процедурите на реанимација.”
Вие сте навистина разновидна група. Спомнавте кукли за реанимација на бебиња и деца. Дали тоа значи дека основните процедури за реанимација се различни за нив?
“Да, неопходно е да се пристапи малку поинаку, бидејќи децата не се “минијатурни” возрасни. Разликата е во техниката на компресија на градниот кош и давањето на вештачко дишење. Кај децата реанимацијата започнува со едно давање воздух и 5 компресии, а потоа продолжува во сооднос 30:2. Значи, 30 компресии на градниот кош и 2 пати вештачко дишење.”
Техниката на оживување на бебиња е малку поинаква, бидејќи ги притискате градите со два прста и истовремено давате вештачко дишење и преку устата и преку носот. Техниката на притисок исто така e различна, бидејќи за бебиња се користат два прста, за деца се користи едната рака, за постари деца пак, исто како и возрасните, двете раце.
Кај децата, примарни причини за срцев удар се респираторни проблеми, додека кај возрасните причината најчесто е функцијата на срцето или срцевата болест.
Како се реанимира возрасен?
“Најпрво сакам да нагласам дека е важно без страв да се пријде на личност која не дава знаци на живот. Мораме да сфатиме дека единствената грешка што можеме да ја направиме е да не се обидеме да помогнеме.”
Пред да започнете со процедурата за реанимација, прво погрижете се за вашата безбедност и безбедноста на жртвата. Ако жртвата не реагира, отворете ги дишните патишта и проверете дали дише. Доколку забележите дека не дише, веднаш јавете се на 112. Вклучете го звучникот на телефонот и започнете со компресии на градниот кош и вештачко дишење во сооднос 30:2.
Направете компресии на градниот кош со фреквенција од 100-120 компресии во минута или приближно 2 компресии секоја секунда. Можеби ќе ви биде корисен ритамот на песните: Bee Gees – Stayin’ Alive или Rihanna – Diamonds.
Како да знаеме дали постапуваме правилно?
Секогаш кога помагате, ја правите вистинската работа. Единствена грешка би била да не направите ништо. За да бидете сигурни, добро би било да го надградите вашето знаење.
Направете го тестот и проверете колку добро ги познавате основите на прва помош. тест
Доколку сеуште не сме поминале обука за реанимација, може ли да ни кажете колку силно треба да притискаме на градите? Што да правиме ако немаме доволно моќ? Како да се надмине стравот да не повредите некого?
“Реанимацијата е навистина тешка работа, бидејќи кај возрасен, градите мора да бидат компресирани силно, да се направи контракција од околу 5-6 см. Затоа, дефинитивно препорачувам некој да ви помогне и да се менувате за време на реанимација. Ако немате доволно сила да го направите тоа, стискајте колку што можете посилно. Запомнете дека можете да спасите нечив живот, затоа бидете храбри!
При реанимација, клучната одлука е да се обидете да и помогнете на жртвата. Во моментот кога сте решиле да помогнете некому веќе сте направиле голем чекор.
Можеме ли да ја повредиме личноста и уште повеќе да ја влошиме неговата состојба?
Не, не можете да ги влошите работите, затоа што најмногу повредувате некоја личност ако не му помогнете. Кога се оживува човек, можни се повреди, но тука се работи за спасување животи. Ова има апсолутна предност во однос на, да речеме, скршеното ребро. CPR обично резултира со помали повреди, како што се повреди на ребрата или градната коска. Оштетувањето на белите дробови и другите внатрешни органи е ретко, но во никој случај не е последица на компресија на градниот кош.
„Подобро жив човек со скршени ребра, отколку мртов со еден недопрен“
Колку долго трае реанимацијата? Кога можеме да престанеме?
Можете да застанете кога ќе пристигне тимот за итни случаи и ќе го преземе лицето или ако лицето на кое сте му дале CPR почнува да дава знаци на живот. Па да почне да кашла, да мрда… Тоа е вистинска победа.
А вештачко дишење, уста на уста?
CPR е исто така важен, но ако се случи да можете да правите само компресии на градниот кош, никој нема да ве обвини. Веќе сте направиле многу за тој човек.
Најдобро е кога давате вештачко дишење, да се заштитите со заштитна еднонасочна мембрана, која на пример, ја има во комплетот за прва помош во автомобилот. Има и разни џебни маски преку кои можете безбедно да дадете вештачко дишење и на тој начин да се заштитите. Но, не заборавајте на односот на 2 вдишувања, 30 компресии на градниот кош.
Често слушаме колку е важно да се користи дефибрилатор.
Дефибрилаторот е одличен уред, но не може да ги замени основните процедури за реанимација. Во секој случај, не боли. Предлагам да го користите секогаш кога можете. Овој уред е од најголема важност, бидејќи ве води низ процесот и обезбедува електричен стимул за отчукување на срцевиот мускул.
Извор: сè ќе биде во ред
